Epress.am Լուրեր Հայաստանից
Չինարի գյուղի բնակիչ Կարեն Պետրոսյանը մահացել է Ադրբեջանում, հայտնում են ադրբեջանական ԶԼՄ-ները՝ հղում կատարելով երկրի Պաշտպանության նախարարությանը։
Նշվում է, որ երեկ ձերբակալված Պետրոսյանը մահացել է սրտանոթային անբավարարվածությունից։ Ադրբեջանի ՊՆ-ն երեկ հաղորդել էր, որ Պետրոսյանը դիվերսիոն խմբի անդամ է, որի 4 այլ անդամներ սպանվել են, մինչդեռ ՀՀ ՊՆ մամուլի խոսնակ Արծրուն Հովհաննիսյանը Epress.am-ի հետ զրույցում նշել էր, որ ՀՀ զինված ուժերը կորուստներ չեն կրել, իսկ Կարեն Պետրոսյանը քաղաքացիական անձ է։