Փարիզի ժամանակակից արվեստի թանգարանից կտավներ գողանալու մեջ կասկածվողը պնդում է, որ խուճապի մեջ հայտնվելով` կտավները աղբն է նետել:
2010 թվականի մայիսի գողացված Պաբլո Պիկասսոյի, Ժորժ Բրակի, Ամեդեո Մոդիլիանիի, Անրի Մատիսի և Ֆերնան Լեժեի կտավները, որոնք գնահատվում են մոտ 134 միլիոն դոլար, կարող են Փարիզի փողոցներից մեկի սովորական աղբամանի մեջ լինել: Արդյունքում նկարները կարող են կամ լուրջ վնասվել կամ առհասարակ վերանալ: Այս մասին հայտնել է գողության մեջ կասկածվող 34-ամյա ժամագործը, հաղորդում է ֆրանսիական «du Dimanche» պարբերականը:
Ըստ կասկածյալի վկայության, ոստիկանության հետապնդման պատճառով ինքը խուճապի է մատնվել և աղբը նետել Լեժեի «Մոմակալի նատյուրմորտը», Պիկասսոյի «Աղավնին կանաչ ոլոռով» գործերը և երեք այլ կտավներ:
Հետաքննիչները դեռևս չեն բացառում նկարները գտնելու կամ վերականգնելու հնարավորությունը: