Շուրջ 1750 մարդ․ ԻՔՄ հաշվել է ընդդիմության հավաքի քանակը

Մայիսի 11-ին ընդդիմադիր «Դիմադրություն» շարժումը 16:00-ից հանրահավաք էր իրականացնում Երևանի Ֆրանսիայի հրապարակում: Հանրահավաքը ավելի ուշ վերածվեց երթի՝ դեպի Երևանի քաղաքապետարան, որտեղ ցույցի մասնակիցները որոշ ժամանակով արգելափակեցին քաղաքապետարանի մուտքերը: Այնուհետև երթը նորից շարժվեց դեպի Ֆրանսիայի հրապարակ, որտեղ 20:00-ից նորից հանրահավաք տեղի ունեցավ:

«Իրազեկ քաղաքացիների միավորումն» աերոնկարահանման միջոցով իրականացրել է եզրափակիչ՝ երեկոյան մեկնարկած հանրահավաքի մասնակիցների հաշվարկ, որի արդյունքում պարզվել է, որ 20:12-ի դրությամբ Ֆրանսիայի հրապարակում և հարակից տարածքներում գտնվել է շուրջ 1750 մարդ․

«Հարկ է նշել նաև, որ հանրահավաքի որոշ մասնակիցներ, հավանաբար, տեսանելի չեն՝ ծառերի կամ վրանների տակ գտնվելու պատճառով:

Հաշվարկն իրականացվել է մասնակիցների անհատական հաշվարկի միջոցով։

Լուսանկարը բարձր որակով հասանելի է այստեղ։

Մեր հաշվարկը ստուգելու նպատակով մարդկանց անհատականացնող կետերով նկարը կարելի է ներբեռնել այստեղից»։

Այսպիսով, մայիսի 1-ին Ֆրանսիայի հրապարակում 12 500 մարդ էր հավաքվել:

Մայիսի 2 – Ֆրանսիայի հրապարակ, 3800 մարդ:

Մայիսի 3 – Ֆրանսիայի հրապարակ, 5600 մարդ։

Մայիսի 4 – Բաղրամյան պողոտա,  5000 մարդ։

Մայիսի 5 – Ֆրանսիայի հրապարակ,  4200 մարդ։

Մայիսի 6 – Ֆրանսիայի հրապարակ,  շուրջ   3250 մարդ։

Մայիսի 7 – Վանաձոր , շուրջ  1200 մարդ։

Մայիսի 8 – Գյումրի, 1150 մարդ։

Մայիսի 9 – Ֆրանսիայի հրապարակ, 7700 մարդ։

Մայիսի 10 – Ֆրանսիայի հրապարակ, շուրջ 2900 մարդ։

Մայիսի 11 – Ֆրանսիայի հրապարակ, 1750 մարդ։