Խոշոր ընկերություններում չարաշահումներ են գրանցվել հղիների վճարումների հետ կապված․ «Ժողովուրդ»

Հայաստանյան մի շարք ընկերություններ պոտենցիալ հղի կանանց բերել, «հաստիք» են տվել` ակնհայտ բարձր աշխատավարձով, որպեսզի հղիների անունով մեծ փող ստանան ՀՀ պետբյուջեից: Այս մասին իր այսօրվա համարում գրում է «Ժողովուրդ» օրաթերթը։

Թերթը նշում է, որ ՀՀ Վերահսկիչ պալատի համաձայն, օրինակ․ «Ղ-Տելեկոմ»-ի (ապրանքանիշը «Վիվասել֊ՄՏՍ») բաժանորդների սպասարկման վարչության պետին 2013թ. նոյեմբերին վճարվել է 30 մլն.400 հազ. դրամ (մոտ 71 հազար ԱՄՆ դոլար) հղիության և ծննդաբերության նպաստ: Այս գումարը գոյացել է, քանի որ նա 1 տարվա ընթացքում ստացել է շուրջ 18 մլն. դրամի (մոտ 43 հազար ԱՄՆ դոլար) պարգևատրում:

«Երևանի կոնյակի գործարան»֊ի տնօրենի տեղակալին 2013թ. մարտին վճարվել է հղիության և ծննդաբերության նպաստ` 9 մլն 918 հազ. դրամ (մոտ 23 հազար դոլար), քանի որ նրա` 2012թ. հոկտեմբերի աշխատավարձը և հավելավճարը կտրուկ բարձրացել են` հասցնելով 5 մլն 216 հազ. դրամի (մոտ 13 հազար դոլար), իսկ հղիությունից հետո իջեցրել են մինչև 1 մլն. դրամ (2500 դոլար):

Հոդվածն ամբողջությամբ՝ թերթի այսօրվա համարում