Բակո Սահակյանը Ռուբեն Հայրապետյանի հետ քննարկել է մարզադաշտերի բարեկարգման հարցը

Արցախի նախագահ Բակո Սահակյանը օգոստոսի 30-ին ընդունել է ՀՀ Ազգային ժողովի պատգամավոր, Հայաստանի ֆուտբոլի ֆեդերացիայի նախագահ Ռուբեն Հայրապետյանին:

Հանդիպմանը, որին մասնակցում էր Արցախի ֆուտբոլի ֆեդերացիայի նախագահ Սամվել Կարապետյանը, քննարկվել են ֆուտբոլի զարգացման հետ կապված հարցեր: Հատուկ ուշադրություն է դարձվել մարզադաշտերի բարեկարգման և այդ ցանցի ընդլայնման ուղղությամբ աշխատանքների իրականացմանը: